(កំពង់ធំ)÷ បេីទោះបី ពិធីបុណ្យចូលឆ្នាំប្រពៃណីជាតិខ្មែរ រយៈពេលបួនថ្ងៃកន្លងផុតទៅ សម្រាប់វត្តឌួងសូរិយា(ហៅវត្តក្តីដូង នៅរសៀលថ្ងៃទី១៧ ខែមេសា ឆ្នាំ ២០២៤ នេះ បានប្រារព្ធពិធីស្រង់ព្រះ មានកម្មវិធីកម្សាន្តសប្បាយៗ និងមានល្បែងប្រជាប្រិយជាច្រេីន ដោយ មានការអញ្ជេីញចូលរួមពីសំណាក់ ព្រះសង្ឃ គណៈកម្មការវត្ត ពុទ្ធបរិស័ទ និងបងប្អូនប្រពលរដ្ឋជាច្រើននាក់ផងដែរ។
ស្ថិតក្នុងបរិយាកាសសប្បាយរីករាយ នោះផងដែរ វត្តឌួងសូរិយា(ហៅវត្តក្តីដូង) ស្ថិតនៅភូមិក្តីដូង ស្រុកកំពង់ស្វាយខេត្តកំពង់ធំ ដែលដឹកនាំដោយព្រះអង្គគ្រូធម្មបាលោ
ជ សុចាយ ព្រះចៅអធិការវត្តឌួងសូរិយា(ហៅក្ដីដូង) និងជាព្រះមន្ត្រីសង្ឃស្រុកកំពង់ស្វាយ ក្រោយពីមានពិធីសាសនារួចមក មន្ត្រីរាជការ ពុទ្ធបរិស័ទ រួមបងប្អូនប្រជាពលរដ្ឋ ទាំងជិតឆ្ងាយបាន ប្រារព្ធ ពិធីស្រង់ព្រះ មិនតែប៉ុណ្ណោះ មានការបាញ់ទឹក រាំលេងកម្សាន្ត និងមានលេងល្បែងប្រជាប្រិយដូចជា÷ ទាញព្រាត់ ប្រដាល់ធ្លាក់ទឹក លោតបាវ ក្រោមដំបូលសុខសន្តិភាព។
គួរបញ្ជាក់ថា សម្រាប់វត្តឌួងងសូរិយា(ហៅវត្តក្តីដូង)នេះ ពុទ្ធិបរិស័ទតែងតែនាំគ្នាប្រារព្ធពិធីស្រង់ព្រះ ហៅថាត្រាស់ចេត្រនេះ ដោយមានទឹកលាយជាមួយផ្កាភ្ញី ទឹកអប់ ដើម្បីស្រោចស្រពដល់ព្រះបដិមា ឬអ្នកមានគុណ អ្នកមានឋានៈខ្ពង់ខ្ពស់ជាង ដោយបងប្អូនប្រជាពលរដ្ឋខ្មែរ លោកមានជំនឿ តៗគ្នាជាយូរមកហើយ។ ស្រង់ព្រះទាំងព្រះបដិមាថ្ម និងព្រះរស់ អ្នកមានគុណ សុទ្ធតែទទួលបានមកវិញនូវសេចក្ដីសុខចម្រើន ត្រជាក់ត្រជុំគ្រប់ក្រុមគ្រួសារ កាត់ផ្តាច់កម្មអកុសល លះបង់បាបអកុសលចាស់ៗ ចោល ហើយយើងសាងនូវកុសលថ្មី ដើម្បីឱ្យក្រុមគ្រួសារមានសុខភាពល្អ និងប្រកបកិច្ចការងារទទួលបានជោគជ័យ។ គួរបញ្ជាក់ផងដែរថា ភ្ញៀវជាតិដែលមកលេងកម្សាន្តនៅវត្តឌួងសុរិយា(ហៅវត្តក្តីដូង) មានប្រមាណជាង២ម៉ឺននាក់។
